From my crying pen #3...

Tujhe is tarah paa lun,

Kuch yun savar jaaun;

Ya us chandi ki tarah me,

Har disha me bikhar jaaun...

Barish ki boond si barsun,

Yun lahar sang bah jaaun;

Ya oos ki boond jaise,

Usi patte par thahar jaun...

Teri dhoop ki chhaon banun,

Har pahlun se din sajaun;

Har taraf dhundun tujhe,

Ya tujhme hi simat jaun...

Is titli se man ki sunun,

To har rang me tere dhal jaun;

Khud apni raah par chalun,

Ya tujhe hi manzil banaun...

Teri saanson me, me jeelun,

Har khusi k liye mit jaun;

Shab dhale to intezaar karun tera,

Ya khud tere paas chali aaun...

Har baat teri maanu,

Har zid k aage jhuk jaaun;

Ye khwaab tujhe hi de dun,

Ya inhi k peechhe chhup jaun...

Har andaaz tera kardun,

Har khusi tujhme paaun;

Har dua me tujhe mangun,

Ya teri dua ban jaaun...